აგროჰაბის პროექტი Architizer A+ Awards-ის გამარჯვებულია!

ივლ 25 / 2025
603
გაზიარება
გაზიარება
გაიზავნეთ ეს ლინკი საშუალებით
https://studio9.ge/ka/%e1%83%90%e1%83%92%e1%83%a0%e1%83%9d%e1%83%b0%e1%83%90%e1%83%91%e1%83%98%e1%83%a1-%e1%83%9e%e1%83%a0%e1%83%9d%e1%83%94%e1%83%a5%e1%83%a2%e1%83%98-architizer-a-awards-%e1%83%98%e1%83%a1-%e1%83%92/

ჩვენი არქიტექტურული პროექტი „აგროჰაბი სანაპიროზე“ Architizer A+ Awards 2025-ის გამარჯვებული გახდა Mixed Use კატეგორიაში და მიიღო როგორც ჟიურის, ისე ხალხის რჩეულის ჯილდო!
აგროჰაბი უნიკალური სივრცეა, რომელიც აერთიანებს ჰიპერმარკეტს პირველ სართულზე, ღია პარკინგს და ტერასულ რესტორანს ქალაქის ხედებით. შენობა დამუშავებულია ისე, რომ მაქსიმალურად მოერგოს სანაპიროს ბუნებრივ რელიეფს და განწყობას, არქიტექტურაში კი ქალაქის და ლანდშაფტის კონტექსტის გათვალისწინება მნიშვნელოვანი ამოსავალი წერტილი აღმოჩნდა.
პროექტში გამოყენებულია გამძლე რკინა-ბეტონის კონსტრუქცია, დეკორატიული დეტალებით მეტალის მოპირკეთება და დიდი ზომის მინის ფასადები, რაც შენობას ვიზუალურად ღია და მსუბუქ იერს აძლევს. ფასადზე განთავსებული გამორჩეული გარე კიბე, რომელიც თბილისის ეზოების ხასიათს უკავშირდება, შენობას მყარი არქიტექტურული ჟესტით ავსებს.
ეს საერთაშორისო აღიარება კიდევ ერთხელ უსვამს ხაზს ჩვენს სურვილს, შევქმნათ პროექტები, რომლებიც ფუნქციურობასთან ერთად ქალაქის არქიტექტურულ ენასაც ავითარებენ. დიდ მადლობას ვუხდით თითოეულ მხარდამჭერს და ყველას, ვინც გვერდში დაგვიდგა.